Takk fyri at tú nýtir Sona

Okkara endamál er at hjálpa tær at finna telefonnummur, tiltøk, støð og annað, soleiðis at tú fært ta bestu upplivingina við nýtslu av Sona. Hesin politikkur er skrivaður fyri at kunna teg um, hvørjar upplýsingar tú gevur okkum við at nýta, og hvussu hesir upplýsingar verða brúktir. Um tú hevur spurningar ella viðmerkingar hesum viðvíkjandi, ert tú vælkomin at seta teg í samband við okkum.

Vit savna upplýsingar soleiðis:

1. Tá tú gevur okkum upplýsingar ella gevur okkum loyvi at nýta teir

Skráseting Tá tú skrásetir teg á Sona, gevur tú okkum ávísar upplýsingar sjálvboðið. Hesir eru navn, teldupostur, vangamynd, føðingardagur og kyn. Knýtir tú tína Facebook konto ella aðra konto frá triðjaparti til Sona, so deilir tú eisini hesar upplýsingar. Teir upplýsingar, sum tú deilir henda vegin, eru tengdir at tínari uppseting og politikkinum hjá triðjapartinum viðvíkjandi persónsupplýsingum (t.d. Facebook). Gott er at halda skil á slíkum. Virksemi Um tú luttekur í einum átaki á Sona, so savna vit persónsupplýsingar alt eftir, hvat fyri átaki tú luttekur (atkvøðugreiðslu, myndakapping, skava & vinn ella líknandi).

2. Vit fáa eisini upplýsingar um snildfonina, tá tú nýtir Sona

Vit heinta upplýsingar um snildfonina, sum tú nýtir, tá tú nýtir Sona. Hesir upplýsingar eru slag av snildfon og stýrisskipan, umframt upplýsingar um appina, tá hon sløknar brádliga - hetta fyri at skilja, hvat tað er, sum gongur galið. Hesir upplýsingar verða ikki knýttir at tínari kontu, so teir siga einki um teg. Hvørt vit heinta allar upplýsingarnar ella bara ein part, veldst um, hvat slag av snildfon tú hevur, og hvussu hon er uppsett. Upplýsingar kunnu t.d. vera, um tú brúkar eina iPhone ella eina Android telefon. Fyri at vita meira um, hvørjar upplýsingar tín snildfon gevur, kanst tú kanna politikkin hjá framleiðaranum av snildfonini ella ritbúnanum.

Hvat vit gera við upplýsingar, sum vit heinta:

Vit nýta upplýsingarnar, sum vit heinta, til at veita tær eina betri tænastu. Vit vísa tilfar, ið er viðkomandi fyri teg, og sum er tætt við teg. Vit nýta upplýsingarnar til at:

fáa fatur á tær, tá ið tú vinnur kappingar á Sona vísa tilfar, sum er viðkomandi fyri tína geografisku støðu greina tilfar, sum kann vera viðkomandi (grundað á heildarupplýsingar frá fleiri brúkarum) Í stuttum er tað neyðugt hjá okkum at nýta upplýsingarnar á henda hátt fyri at gera tænasturnar viðkomandi, áhugaverdar og persónligar til tín. Eisini nýta vit í serligum førum upplýsingarnar til at senda tær tilfar við telduposti ella senda tær fráboðanir, alt eftir hvussu tín konta er uppsett, ella,hvussu tín stýrisskipan er uppsett. Hvørjaferð, vit senda tær marknaðartilfar, hevur tú møguleikan at frávelja tað.

Flyting av upplýsingum:

Sona er ein tænasta, ið verður nýtt um allan heimin. Við at nýta Sona, gevur tú okkum loyvi at flyta upplýsingar um landamørk til nýtslu hjá samstarvspartnarum grundað á tagnarskyldu, sum tryggjar tínar upplýsingar eftir EU forskriftum. Vit taka serliga atlit, tá upplýsingar verða fluttir frá European Economic Area (EEA). Persónaupplýsingar verða ikki fluttir um landamørk, men liggja á einum servara á Føroya Tele í Tórshavn.

Valmøguleikar, ið tú hevur við tínum upplýsingum:

Okkara mál er at geva tær einfaldar og týðandi valmøguleikar viðvíkjandi tínum upplýsingum. Um tú hevur eina Sona kontu , eru fleiri av tínum valmøguleikum bygdir beinleiðis til tína uppseting. Til dømis kanst tú:

broyta upplýsingar á tínum vanga, tá tú hevur hug loyva ella ikki loyva fráboðanum á tíni snildfon Tú hevur eisini valmøguleikar tøkar gjøgnum tína snildfon, sum geva atgongd til Sona. Til dømis letur tín snildfon teg velja, hvussu upplýsingar um tín støða, tínar myndir ella aðrir upplýsingar verða deildir við okkum. Fyri fleiri upplýsingar um hesar møguleikar, vinarliga kanna upplýsingar frá framleiðara av snildfon ella av ritbúnaði. Tú hevur hesar møguleikar, um tú setir teg í samband við okkum:

kanna hvørjar upplýsingar, vit hava um teg strika tínar upplýsingar. steðga okkum at viðgera tínar upplýsingar. Tú kanst biðja okkum steðga nýtslu av tínum upplýsingum til eina og hvørja tíð Viðgerðartíðin av hesum slagi er umleið 30 dagar.

Hvussu og nær vit deila tínar upplýsingar:

Okkara samstarvsfelagar vísa tilfar gjøgnum Sona. Um tú luttekur í teirra átøkum (kappingar, virðisseðlar, Sona merkir ella líknandi), deila vit neyðugu upplýsingarnar, soleiðis at teir kunnu seta seg í samband við teg. Vit deila eisini heildarupplýsingar um samlaða nýtslu av átøkum, fyri at teir altíð kunnu fáa afturmeldingar og hagtøl um tilfar, sum teir umsita, til tess at betra tilfar, sum verður sent til tín.

Hvussu leingi hava vit tínar upplýsingar:

Vit hava bert tínar upplýsingar so leingi, tað er neyðugt, til tess at røkka teimum endamálum, sum eru lýst í hesum politikki. Hetta er eisini galdandi fyri ein og hvønn, sum vit deila tínar upplýsingar við. Tá vit ikki longur hava brúk fyri tínum upplýsingum, verða teir strikaðir ella gjørdir ópersónligir, so tú ikki kanst verða knýttur at teimum.

Okkara politikkur viðvíkjandi upplýsingum um børn

Børn undir 13 ára aldur hava ikki loyvi at nýta Sona. Um tú ert staddur í EEA, kanst tú bert nýta Sona, um tín aldur er yvir tann aldur, ið lógir í tínum landi loyva, ella um foreldrasamtykki at nýta Sona er givið. Um tú ert foreldur og veitst, at barn títt nýtir Sona, og tú ikki loyvir hesum, vinarliga set teg í samband við okkum.

Hvussu vit gera broytingar til handan politikkin:

Um vit broyta henda politikkin, so leggja vit broytingarnar út á hesa síðuna. Um tú heldur fram at brúka Sona eftir, at broytingar eru gjørdar, so samtykkir tú broytingarnar. Um broytingarnar hava stóran týdning, kunnu vit gera vart við hetta, eins og ásett í lógini.

Samband:

Besti máti at seta seg í samband við okkum er gjøgnum teldupostin sona@sona.fo. Tú kanst eisini seta teg í samband við okkum á Sona, Klingran 1-5, 188 Hoyvík, Føroyar. Galdandi frá 15. mai 2018