Politikkur viðvíkjandi persónsupplýsingum

Okkara endamál er at hjálpa tær at finna telefonnummur, tiltøk, støð og annað, soleiðis at tú fært ta bestu upplivingina við nýtslu av Sona. Hesin politikkur er skrivaður fyri at kunna teg um, hvørjar upplýsingar tú gevur okkum við at nýta, og hvussu hesir upplýsingar verða brúktir. Um tú hevur spurningar ella viðmerkingar hesum viðvíkjandi, ert tú vælkomin at seta teg í samband við okkum.

Takk fyri at tú nýtir Sona Okkara endamál er at hjálpa tær at finna telefonnummur, tiltøk, støð og annað, soleiðis at tú fært ta bestu upplivingina við nýtslu av Sona. Hesin politikkur er skrivaður fyri at kunna teg um, hvørjar upplýsingar tú gevur okkum við at nýta, og hvussu hesir upplýsingar verða brúktir. Um tú hevur spurningar ella viðmerkingar hesum viðvíkjandi, ert tú vælkomin at seta teg í samband við okkum.

Vit savna upplýsingar soleiðis:

  1. Tá tú gevur okkum upplýsingar ella gevur okkum loyvi at nýta teir Skráseting: Tá tú skrásetir teg á Sona, gevur tú okkum ávísar upplýsingar sjálvboðið. Hesir eru navn, bústaður, teldupostur, og telefonnummar. Virksemi: Um tú luttekur í einum átaki á Sona, so savna vit persónsupplýsingar alt eftir, hvat fyri átaki tú luttekur (atkvøðugreiðslu, skava & vinn ella líknandi).
  2. Vit fáa eisini upplýsingar um snildfonina, tá tú nýtir Sona Vit heinta upplýsingar um snildfonina, sum tú nýtir, tá tú nýtir Sona. Hesir upplýsingar eru slag av snildfon og stýrisskipan, umframt upplýsingar um appina, tá hon sløknar brádliga - hetta fyri at skilja, hvat tað er, sum gongur galið. Hesir upplýsingar verða ikki knýttir at tínari kontu, so teir siga einki um teg. Hvørt vit heinta allar upplýsingarnar ella bara ein part, veldst um, hvat slag av snildfon tú hevur, og hvussu hon er uppsett. Upplýsingar kunnu t.d. vera, um tú brúkar eina iPhone ella eina Android telefon. Fyri at vita meira um, hvørjar upplýsingar tín snildfon gevur, kanst tú kanna politikkin hjá framleiðaranum av snildfonini ella ritbúnanum.
  3. Vit fáa upplýsingar frá triðjaparti Vit innsavna av og á persónsupplýsingar um teg frá triðjaparti í sambandi við tær tænastur, ið vit veita tær. Hetta gera vit bert, um tú hevur givið okkum samtykki til hetta, ella um hetta er heimilað ella kravt í galdandi lóggávu. Tá tú ritar inn á skipanir hjá Føroya Tele við Samleikanum, fær Føroya Tele títt navn og p-tal. Viðgerin av p-tal hemild í lóg, herundir § 4, stk. 2 í løgtingslóg um talgildan samleika.

Hvat vit gera við upplýsingar, sum vit heinta:

Vit nýta upplýsingarnar, sum vit heinta, til at veita tær eina betri tænastu. Vit vísa tilfar, ið er viðkomandi fyri teg, og sum er tætt við teg. Vit nýta upplýsingarnar til at: • fáa fatur á tær, um tú vinnur kappingar á Sona • vísa tilfar, sum er viðkomandi fyri tína geografisku støðu • greina tilfar, sum kann vera viðkomandi (grundað á heildarupplýsingar frá fleiri brúkarum) • eyðmerkja hvønn kunda, herundir fyri at tryggja, at tænastur og veitingar okkara verða nýttar í samsvar við galdandlóggávu og viðskiftatreytir og annars eru í samsvar við galdandi lóggávu og reglur annars.

Í stuttum er tað neyðugt hjá okkum at nýta upplýsingarnar á henda hátt fyri at gera tænasturnar viðkomandi, áhugaverdar og persónligar til tín. Eisini nýta vit í serligum førum upplýsingarnar til at senda tær tilfar við telduposti ella senda tær fráboðanir, alt eftir hvussu tín konta er uppsett, ella,hvussu tín stýrisskipan er uppsett. Hvørjaferð, vit senda tær marknaðartilfar, hevur tú møguleikan at frávelja tað.

Flyting av upplýsingum:

Sona er ein tænasta, ið verður nýtt um allan heimin. Við at nýta Sona, gevur tú okkum loyvi at flyta upplýsingar um landamørk til nýtslu hjá samstarvspartnarum grundað á tagnarskyldu, sum tryggjar tínar upplýsingar eftir EU forskriftum. Vit taka serliga atlit, um upplýsingar verða fluttir frá European Economic Area (EEA).

Valmøguleikar, ið tú hevur við tínum upplýsingum:

Okkara mál er at geva tær einfaldar og týðandi valmøguleikar viðvíkjandi tínum upplýsingum. Um tú hevur eina Sona kontu, eru fleiri av tínum valmøguleikum bygdir beinleiðis til tína uppseting. Til dømis kanst tú: broyta upplýsingar á tínum vanga, tá tú hevur hug loyva ella ikki loyva fráboðanum á tíni snildfon Tú hevur eisini valmøguleikar tøkar gjøgnum tína snildfon, sum geva atgongd til Sona. Til dømis letur tín snildfon teg velja, hvussu upplýsingar um tín støða ella aðrir upplýsingar verða deildir við okkum. Fyri fleiri upplýsingar um hesar møguleikar, vinarliga kanna upplýsingar frá framleiðara av snildfon ella av ritbúnaði.

Sambært dátuverndarlógini hevur tú rættindi í sambandi við okkara viðgerð av tínum persónsupplýsingum. • Rætturin til innlit: Tú hevur rætt til at fáa innlit í tær upplýsingar, sum vit viðgera um teg. • Rætturin til rætting: Tú hevur rætt til at fáa rangar upplýsingar um teg sjálvan rættaðar. • Rætturin til striking: Í summum førum hevur tú rætt til at fáa upplýsingar um teg sjálvan strikaðar, áðrenn okkara ætlaðu striking. • Rætturin til viðgerðaravmarking: Í summum førum hevur tú rætt til at fáa viðgerðina av tínum persónupplýsingum avmarkaða. Um tú hevur rætt til at fáa viðgerðina avmarkaða, kunnu vit framyvir sum útgangsstøði bert goyma persónsupplýsingarnar. • Rætturin til dátuflutning: Tú hevur í summum førum rætt til at fáa tínar persónsupplýsingar útflýggjaðar í einum skipaðum, vanligum nýttum og teldutøkum sniði, og at fáa hesar persónsupplýsingar fluttar frá einum dátuábyrgdara til ein annan uttan forðing. • Rætturin til mótmæli: Tú hevur í summum førum rætt til at mótmæla okkara viðgerð av tínum persónsupplýsingum. • Rætturin til ikki at vera fyri individuellari avgerð, sum einans er grundað á automatiska viðgerð. Umbønin verður svarað skjótast gjørligt, og í seinasta lagi 4 vikur eftir, at hon er móttikin. Um serstøk viðurskifti, so sum nøgd og torgreidni gera, at tað er ógjørligt at svara umbønini innan 4 vikur, kann tíðarskeiðið leingjast. Tú fært serstøk boð frá okkum, um freistin verður longd, og tá umbønin er svarað.

Viðgerðartíðin av hesum slagi er umleið 30 dagar.

Hvussu og nær vit deila tínar upplýsingar:

Okkara samstarvsfelagar vísa tilfar gjøgnum Sona. Um tú luttekur í teirra átøkum (kappingar, virðisseðlar, Sona merkir ella líknandi), deila vit neyðugu upplýsingarnar, soleiðis at teir kunnu seta seg í samband við teg. Vit deila eisini heildarupplýsingar um samlaða nýtslu av átøkum, fyri at teir altíð kunnu fáa afturmeldingar og hagtøl um tilfar, sum teir umsita, til tess at betra tilfar, sum verður sent til tín.

Hvussu leingi hava vit tínar upplýsingar:

Vit hava bert tínar upplýsingar so leingi, tað er neyðugt, til tess at røkka teimum endamálum, sum eru lýst í hesum politikki. Hetta er eisini galdandi fyri ein og hvønn, sum vit deila tínar upplýsingar við. Tá vit ikki longur hava brúk fyri tínum upplýsingum, verða teir strikaðir ella gjørdir ópersónligir, so tú ikki kanst verða knýttur at teimum. Okkara politikkur viðvíkjandi upplýsingum um børn Børn undir 13 ára aldur hava ikki loyvi at nýta Sona. Um tú ert staddur í EEA, kanst tú bert nýta Sona, um tín aldur er yvir tann aldur, ið lógir í tínum landi loyva, ella um foreldrasamtykki at nýta Sona er givið. Um tú ert foreldur og veitst, at barn títt nýtir Sona, og tú ikki loyvir hesum, vinarliga set teg í samband við okkum.

Hvussu vit gera broytingar til handan politikkin:

Um vit broyta henda politikkin, so leggja vit broytingarnar út á hesa síðuna. Um tú heldur fram at brúka Sona eftir, at broytingar eru gjørdar, so samtykkir tú broytingarnar. Um broytingarnar hava stóran týdning, kunnu vit gera vart við hetta, eins og ásett í lógini.

Samband:

Dátuábyrgdari FT Samskifti er dátuábyrgdari fyri viðgerð, sum fer fram á Sona.fo. Besti máti at seta seg í samband við okkum er gjøgnum teldupostin sona@sona.fo. Tú kanst eisini seta teg í samband við okkum á Sona, Klingran 1-5, 188 Hoyvík, Føroyar. Um tú ert ónøgd/ur við, hvussu vit viðgera tínar persónupplýsingar, og úrslitið av tíni áheitan til okkara ikki var nøktandi, kanst tú klaga til Dátueftirlitið: Kæra: Dátueftirlitið Heiðavegur 25 600 Saltangará Teldupostur: dat@dat.fo Telefon: 30 91 00